Neytendasamtökin - Vinna fyrir þig

Á vegum NS og margra samstarfsaðila þeirra eru úrskurðarnefndir um ágreiningsmál milli kaupenda og seljenda á ýmsum sviðum. Eiga samtökin aðild að sex kvörtunar- og úrskurðarnefndum. Þessar nefndir eru nauðsynlegur bakhjarl fyrir kvörtunarþjónustu samtakanna en ódýrt og fljótlegt er fyrir neytendur að skjóta málum fyrir nefndirnar.
Sameiginlegt er með öllum nefndunum að neytandinn þarf að greiða málskotsgjald til að mál hans sé tekið fyrir og er það mishátt eftir nefndum. Vinni neytandi mál fyrir nefnd að hluta eða öllu leyti fær hann málskotsgjaldið endurgreitt frá seljanda. Sé neytandi ósáttur við úrskurðinn getur hann haldið áfram með málið til dómstóla.

Sjá verðskrá

Vátryggingar

Úrskurðarnefnd í samvinnu NS og Sambands íslenskra vátryggingarfélaga fjallar um ágreining varðandi bótaskyldu, þar á meðal sök og sakarskiptingu milli neytenda og þeirra vátryggingarfélaga sem starfsleyfi hafa hér á landi. Nefndina skipa þrír fulltrúar sem allir skulu vera löglærðir. Einn er tilnefndur af Neytendasamtökunum, einn af Sambandi íslenskra vátryggingarfélaga og einn af viðskiptaráðherra og er hann jafnframt formaður nefndarinnar. Úrskurðarnefndin er vistuð hjá Fjármálaeftirlitinu.

Sjá: samþykkt nefndarinnar (pdf)

Sjá: Eyðublað (Leiðakerfi neytenda)

Sjá: slóð á úrskurði mála

Fjármálamarkaður

Úrskurðarnefnd í samvinnu NS, viðskiptabanka, sparisjóða og greiðslukortafyrirtækja tekur til meðferðar kvartanir sem snúast um réttarágreining einstaklinga og fyrirtækja við íslensk fjármálafyrirtæki sem aðild eiga að nefndinni og dótturfyrirtæki þeirra. Nefndina skipa fimm fulltrúar, tveir eru tilnefndir Neytendasamtökunum, tveir af fjármálafyrirtækjum og einn af viðskiptaráðherra og er hann jafnframt formaður nefndarinnar. úrskurðarnefndin er vistuð hjá Fjármálaeftirlitinu.

Sjá: samþykkt nefndarinnar

Sjá: Eyðublað (Leiðakerfi neytenda)

Sjá: slóð á úrskurði mála

Efnalaugar og þvottahús

Úrskurðarnefnd NS og Félags efnalaugaeigenda fjallar um kvartanir vegna þjónustu efnalauga og þvottahúsa. Nefndina skipa þrír fulltrúar, einn tilnefndur af Neytendasamtökunum, einn af Félagi efnalaugaeigenda og einn af viðskiptaráðherra, sem skal vera löglærður og er jafnframt formaður nefndarinnar. Úrskurðarnefndin er vistuð hjá Neytendendasamtökunum.

Sjá: samþykkt nefndarinnar (pdf)