Á næstu vikum verða haldnir 10 borgarafundir víðsvegar um landið, þar sem Árni Páll Árnason félagsmálaráðherra mun fara yfir skuldastöðu heimilanna og helstu úrræði.

Fram kemur á heimasíðu félags-og tryggingarmálaráðuneytis að ráðist hafi verið í margvíslegar aðgerðir til að mæta erfiðleikum einstaklinga og fjölskyldna sem eiga í fjárhagsvanda. Auk þess að kynna fyrirliggjandi úrræði mun ráðherra gera grein fyrir aðgerðum sem boðaðar hafa verið og felast m.a. í bættri löggjöf um skuldaaðlögun, stofnun umboðsmanns skuldara, verulegum úrbótum á stöðu fólks með erlend bílalán og aðgerðum í húsnæðismálum.

Lögfræðingur og ráðgjafi frá Ráðgjafarstofu um fjármál heimilanna verða til viðtals á öllum borgarafundunum.

Borgararfundir verða haldnir á eftirfarandi tímum:

Dagur	Svæði	Staður	Tími
4.maí	Reykjanesbær	Ráin	20:30 – 22:00
5.maí	Vestmannaeyjar	Kiwanishúsið	20:30 – 22:00
6.maí	Kópavogur	Salurinn	20:30 – 22:00
10.maí	Árborg	Hótel Selfoss	20:30 – 22:00
11.maí	Akureyri	Hótel KEA	20:30 – 22:00
15.maí	Ísafjörður	Edinborgarhúsið	12:30 – 14:00
17.maí	Akranes	Dalbraut 1	20:30 – 22:00
18.maí	Fjarðabyggð - Reyðarfjörður		20:30 – 22:00
19.maí	Hafnarfjörður	Hafnarborg	20:30 – 22:00
20.maí	Reykjavík	Iðnó	20:30 – 22:00