Neytendasamtökin hafa fengið ábendingar um mikinn verðmun á filmum sem vinsælt er að líma í glugga. Margar prentsmiðjur og auglýsingastofur hanna og skera út filmur eftir óskum viðskiptavinanna og í byggingavöruverslunum er hægt að kaupa filmu í metratali. Það ætti því að ríkja næg samkeppni í þessum geira og um að gera fyrir neytendur að kynna sér verð hjá nokkrum aðilum áður en fjárfest er í filmu.

Að gefnu tilefni er rétt er að ítreka að verð til neytenda skal ávallt gefið upp með virðisaukaskatti.