Neytendasamtökin eru frjáls félagasamtök og allir sem eru orðnir 18 ára geta orðið félagar og notið fullra félagslegra réttinda. Neytendasamtökin byggjast á einstaklingsbundinni aðild.

Hlutverk Neytendasamtakanna er að:

gæta hagsmuna neytenda og tala máli þeirra

sjá til þess að neytendur njóti sannmælis í viðskiptum

veita neytendum upplýsingar um verð og gæði vöru og þjónustu

aðstoða félagsmenn við að ná fram rétti sínum ef á þarf að halda

Samkvæmt lögum Neytendasamtakanna er tilgangur þeirra að gæta hagsmuna neytenda í þjóðfélaginu.

Tilgangi sínum hyggjast samtökin ná meðal annars með því:

a) að vinna að því að sjónarmið neytenda séu virt þegar ákvarðanir eru teknar eða reglur settar er varða hagsmuni neytenda
b) að annast útgáfu-, rannsóknar-, ráðgjafa- og fræðslustarfsemi til þess að auka skilning á hagsmunamálum neytenda
c) að styðja réttmætar kröfur einstakra neytenda og berjast fyrir því að réttur neytenda sé virtur
d) að vinna að umbótum á löggjöf til hagsbóta fyrir neytendur