Fordæmisgefandi dómur

Föstudagur, 9. mars 2018 - 10:15

Í gær féll dómur í Hæstarétti sem gæti haft áhrif á stóran hóp íslenskra neytenda. Málið varðar mann sem hafði lent í fjárhagsvandræðum í kjölfar bankahrunsins 2008 og sótti því um greiðsluaðlögun hjá umboðsmanni skuldara. Í þann tíma sem maðurinn naut greiðsluskjóls vegna lána sinna reiknaði viðskiptabanki hans dráttarvexti á kröfur sínar en maðurinn fór þess á leit við bankann að dráttarvextir yrðu felldir niður. Um er að ræða kostnað upp á aðra milljón króna. Bankinn hafnaði kröfum mannsins og fór málið fyrir dómstóla sem komust að þeirri niðurstöðu að bankanum hafi verið óheimilt að reikna dráttarvexti vegna vanskila með vísan til ákvæða laga um  greiðsluaðlögun einstaklinga.

Málið er talið fordæmisgefandi og gæti haft áhrif á nokkur þúsund einstaklinga hér á landi.